कविता- इलो इलो पावस इलो

इलो इलो पावस इलो

इलो इलो नाचत इलो
वाजत इलो गाजत इलो
इलो इलो पावस इलो
आज पयलो पावस इलो

सुरु झाल्यो पाऊसधारो
सुसाट सुटलो गार वारो
ये रे.. ये रे पावसाचो
वांगडाक आसा जल्लोष सारो

चिंब भिजली चिलीपिली
पाना फुला धरती येली
ओल्या मिरगाची आस ओली
किती दिसांनी आज गेली

गंध मातीचो पहिलो वहिलो
अलौकिक तो उरी उतरलो
भान हरपान लहान थोरलो
पावसाच्या कुशीत शिरलो

ईज कडकडता ढग गडगडता
नन्ह्या बाळाक रडा कोसळता
अलगद घेता कुशीत त्येका
पावसाची मजा कळता

इलो इलो पावस इलो
आज मिरगाचो कोंबो दिलो
बा म्हाराजा सांभाळ आता
तुझ्या हातात नांगर दिलो

इलो इलो नाचत इलो
वाजत इलो गाजत इलो
इलो इलो पावस इलो
आज पयलो पावस इलो

©विजय सावंत
०७/०६/२०२०