कविता - गुढीपाडवा

 गुढीपाडवा 

आज चैत्र शुद्ध प्रतिपदा, अर्थात गुढीपाडवा. आजपासून सुरू होतंय मराठी नववर्ष, श्री शालिवाहन शके १९४५. आपणा सर्वांना नववर्षाच्या हार्दिक शुभेच्छा! 🙏🏻

ऊंच ऊंच आकाशी काठी

केली त्यावर उपडी लोटी

कडूनिंबाची महिमा न्यारी

बताशाची सुमधुर गोडी

शुभ्र चाफ्याची माळ कशी

खणासंगे नटली थटली

मंद मंद समईच्या ज्योती

पाटाभवती रांगोळी सजली

उभी पाहा ती दारोदारी

मराठमोळी गगननभरारी

मंगलमय तोरण दारी

सौख्य नांदते घरोघरी

फुलली पहा सभोवती

चैत्रपालवी पिवळी पोपटी

नवरंगात नटून गेली

ताजी ताजी सृष्टी गोमटी

नववर्ष हे या मातीचे

संस्कृती आमुची मराठमोळी

ताटात गोडधोड पुरणपोळी 

वेष पारंपरिक लुगडीचोळी

स्वागत करूया नववर्षाचे

मराठमोळ्या बावनकशी 

लाख लाख शुभेच्छा तुम्हा

गुढीपाडव्याच्या या दिवशी

_विजय सावंत

२२/०३/२०२३